काठमाडौं / राष्ट्रिय सभाको १९ सदस्यका लागि बिहीबार भएको मतदानमा तीनजना स्वतन्त्र जनप्रतिनिधि सहभागी भएनन्। २०७९ मा निर्वाचित तीनैजना चर्चित अनुहारहरूले राष्ट्रिय सभाको निर्वाचन बहिष्कार गर्दै मतदान भाग नलिएका हुन्।
राष्ट्रियसभाको निर्वाचन बहिष्कार गर्नेमा काठमाडौं महानगरपालिकाका प्रमुख बालेन्द्र शाह, धरान उपमहानगरपालिकाका प्रमुख हर्कराज साम्पाङ र धनगढी उपमहानगरपालिकाका प्रमुख गोपाल हमाल रहेका छन्। तीनैजनाले कार्यव्यस्ततालाई कारण देखाउँदै मतदान गर्न नगएका हुन्।
