पोखरा / उच्च अदालत पोखराले पोखरा महानगरपालिकाले फेवातालको चारकिल्ला र सिमसार क्षेत्रमा जारी गरेको निषेध क्षेत्रमा माटो पुर्न र छेकवारको काममा बाधा अवरोध गरेको भन्दै महानगर विरुद्ध परेको निवेदको अन्तरिक आदेश बदर भएको छ ।
सरस्वती पहारीले सिमसार क्षेत्रमा माटो पुर्न पाउनुपर्ने र महानगरको अवरोध हुन नहुने भन्दै उच्चमा उजुरी दिएकी थिइन् ।
उच्चले फागुनमा महानगरलार्ई व्यक्तिको जग्गामा बाधा अवरोध नर्गन आदेश गरेपछि महानगरले त्यसको विपक्षमा उजुरी रद्ध गर्न निवेदन दिएको थियो ।
उच्च अदालत पोखराले आफैले गरेको आदेशको बदर गर्दै सिमसार क्षेत्रमा (रामसार क्षेत्र) मा माटो भर्ने काम रोक्न र निवेदकको उजुरी रद्ध गर्न आदेश गरेको हो ।
सोमबार उच्चको संयुक्त इजलासमा मुख्य न्यायाधीश राजन प्रसाद भट्टराई र न्यायाधीश उमेश कोइरालाले सिमसारमा माटो नपुर्न आदेश सँगै सरस्वतीको निवेदन रद्ध गर्ने आदेश गरेको हो ।
सरस्वती पहारीले पोखरा महानगरपालिका समेत गरी ५ विरुद्ध सिमसारमा रहेको आफ्नो जग्गामा माटो पुर्न पाउ भनि निवेदन दिएकी थिइन् ।
०८० फागुन २९ गते उच्च अदालतमा न्यायाधीश मिलन कुमार राईले जग्गा माटो पुर्ने घेरावेरा पर्खाल लगाउने काममा महानगरलाई कुनै अवरोध नगर्न नगराउन अन्तरिम आदेश जारी गरेको थियो ।
अटेरी व्यवसायी युवराज खतिवडाले एक रोपनी बराबर पाँच लाख रुपैयाँ लिदैँ सिमसार पुर्दै आइरहेका छन् । सरस्वतीको जग्गा पुर्ने जिम्मा पनि खतिवडाकै थियो ।
उनले उक्त जग्गा पुर्दै गर्दा पोखरा महानगरपालिकाले पटक–पटक डोजर, टिपर नियन्त्रणमा समेत लिएको थियो । खतिवडाको टिपर र डोजर कारवाहिमा परेपनि सरस्वती अदालत पुगेकी थिइन् ।
