पोखरा/ पोखराको बगरस्थित पृथ्वीनारायण क्याम्पसको गेट अघि टिप्परको ठक्करबाट एक महिला घाइते भएकी छन् । नदीपुरबाट बगरतर्फ जाँदै गरेको ग१क ८०८५ नम्बरको टिप्परले सोही दिशातर्फ गएको ग१७प ७६८७ नम्बरको स्कुटरको ह्यान्डलमा ठक्कर दिएको थियो । टिप्परको ठक्करबाट स्कुटर चालक भारत घर भई हाल पोखरा–११ फुलबारी बस्दै आएकी ४८ वर्षीया सोनु गुरुङको देब्रे हात भाँचिएको छ ।
घाइतेको मनिपाल शिक्षण अस्पतालमा उपचार भइरहेको जिल्ला ट्राफिक कार्यालय कास्कीका सूचना अधिकारी शिवप्रसाद पाठकले बताए ।
