पाेखरा, ३ बैशाख – र्यापिड टेष्टमा कोरोना पोजेटिभ देखिएकी पोखराकी महिलाको पिसिआर रिपोर्ट नेगेटिभ देखिएको छ । २७ दिनअघि दुबईबाट फर्किएकी ५५ वर्षीया महिलामा बुधबार र्यापिड टेष्ट गर्दा कोरोना पोजेटिभ भेटिएको थियो । ती महिला पोखरा- १२ ढिकालेथरकी हुन् । स्वास्थ्य विज्ञान प्रतिष्ठानमा उनको थप परीक्षण गर्दा रिपोर्ट नेगेटिभ आएको स्वास्थ्य निर्देशक विनोदविन्दु शर्माले जानकारी दिए ।
