पोखरा, ३० भदौ– गण्डकी प्रदेशमा थप एक जना कोरोना संक्रमितको मृत्यु भएको छ । पोखराको मनिपाल शिक्षण अस्पतालमा उपचाररत ७० बर्षिय पुरुषको मृत्यु भएको हो । उनी पोखरा महानगरपालिका–९ का स्थाई बासिन्दा हुन् । भदौ २५ मा अस्पताल भर्ना भएका ती वृद्धमा भदौ २८ मा कोरोना पुष्टि भएको थियो । उनको सोमबार राति ११ः२० बजे मृत्यु भएको प्रदेश स्वास्थ्य निर्देशनालयले जनाएको छ । उनी क्यान्सरका बिरामी थिए । यो सँगै गण्डकी प्रदेशमा कोरोनाबाट मृत्यु हुनेको संख्या ३१ पुगेको छ ।