बागलुङ, २३ कात्तिक– कोरोना संक्रमण र दुर्घटनाबाट बच्नका लागि सवारी चालकलाई सचेत गराउन प्रहरीले चेतनामुलक कार्यक्रम सुरु गरेको छ । जिल्ला प्रहरी कार्यालय र जिल्ला ट्राफिक प्रहरी कार्यालय बागलुङले चालकसँग एक मिनेट कार्यक्रम सुरु गरेका हुन् ।
आईतबारदेखि सुरु भएको कार्यक्रम एक महिनासम्म सञ्चालन हुनेछ । जिल्लाका विभिन्न सात ठाउँमा सडकमा रहेका प्रहरीले चेतनामुलक सामग्रीसहित चालकलाई सचेत बनाउने छन् । प्रहरी र ट्राफिक प्रहरीको सक्रियतामा हरेक दिन यो कार्यक्रम सञ्चालन हुने जिल्ला ट्राफिक प्रहरी प्रमुख शिव प्रसाद पाठकले बताए ।
