पोखरा, २० माघ– पर्यटक यातायात सेवा सञ्चालन गर्दै आएको यात्री बस प्रालिले पोखरा महानगरपालिका वडा नं ३२ लामेआहालस्थित श्री राधाकृष्ण बृद्धाश्रममा बस्दै आएका ज्येष्ठ नागरिकलाई देवघाटधाम तीर्थयात्रा गराएको छ ।
संस्थाले सामाजिक उत्तरदायित्वअन्तर्गत स्थापनाको दोस्रो वर्षका अवसरमा बृद्धाश्रमका ज्येष्ठ नागरिकलाई तीर्थयात्रा गराएको संस्थाका अध्यक्ष सोमबहादुर थापाले जानकारी दिए । पर्यटकीय नगरी पोखराबाट सुविधासम्पन्न ७० वटा पर्यटक बसका साथै ४०० को सङ्ख्यामा सानो टाटा तथा मझौला बस दैनिक रुपमा सञ्चालन भैरहेको उनले जानकारी दिए ।