बागलुङ, २ जेठ– बागलुङको काठेखोला गाउँपालिका ३ धम्जामा एउटै गाउँका २७ जनामा कोरोना संक्रमण पुष्टि भएको छ । धौलागिरी अस्पतालमा गरीएको परीक्षणमा उनीहरुमा संक्रमण रहेको पुष्टि भएको हो । धम्जाका ४१ जनाको स्वाब संकलन गरिएको थियो । जसमध्ये पनि ३६ जनाको परीक्षण गरिएकोमा २७ जनामा कोरोना संक्रमण पुष्टि भएको काठेखोला गाउँपालिका स्वास्थ्य शाखाका प्रमुख रामचन्द्र लामाले बताए । अन्य पाँच जनाको पिसिआर रिपोर्ट आउन बाँकी छ ।
