बागलुङ/ बागलुङको वडिगाड गाउँपालिकामा भीरबाट लडेर एक महिलाको मृत्यु भएको छभने अर्का एक जना पुरुष बेपत्ता भएका छन् । वडिगाड गाउँपालिका– ५ दागा बस्ने ४६ बिर्षया देवि गुरुङको आफ्नै खरबारीमा खर बाध्ने क्रममा चिप्लीएर लडेपछि घटना स्थलमा मृत्यु भएको हो ।
उनी दुईसय मिटर तल खसेको प्रहरीले जनाएको छ । ईलाका प्रहरी कार्यालय बुर्तिबाङका अनुसार बडिगाडकै अर्का एक जना पुरुष भीरबाट लडेर बेपत्ता भएकाछन् । दशैंको अवसरमा बुर्तिबाङमा लागेको पुर्णीमा सहभागि भएर फर्किने क्रममा वडिगाड गाउँपालिका–९ बस्ने २८ बर्षिय शंकर परियार भीरबाट लडेर बेपत्ता भएका हुन् ।
ढोरपाटन नगरपालिका– २ सिमलचौरदेखी मालरानी जाने गोरेटो बाटोको भिरबाट खशी वडिगाड खोलामा उहाँ बेपत्ता भएको प्रहरी नायव उपरीक्षक इकवाल हवारीले बताए । उनको खोला किनारमा खोजी भैरहेको छ ।
