बागलुङ – पछिल्लो २४ घण्टामा बागलुङमा ५२ जना कोरोना संक्रमित थपिएका छन् । ६९ जनामा गरिएको परिक्षणबाट ५२ जनामा संक्रमण पुष्टि भएको हो ।
योसँगै जिल्लामा सक्रिय संक्रमितको संख्या १ सय ८७ पुगेको छ । जिल्ला स्वास्थ्य कार्यालय बागलुङका कोरोना स्रोतव्यक्ति देवप्रकाश घिमिरेका अनुसार पछिल्लो २४ घण्टामा १ जना कोरोनामुक्त भएका छन् ।
जिल्लामा हालसम्म पिसिआर र एन्टिजेन गरी कुल २८ हजार ५ सय १ जनामा गरिएको परिक्षणबाट ८ हजार १ सय ११ जनामा संक्रमण पुष्टि भएको छ । तीमध्ये ७ हजार ८ सय ५२ जनाले कोरोना संक्रमणलाई जितेका छन् भने ७२ जनाको संक्रमणकै कारण निधन भएको छ ।
