बागलुङ/रोटरी क्लब अफ बागलुङले १७ औँ स्थापना दिवसको अवसरमा यहाँ रहेको प्रसिद्ध बागलुङ कालिका मन्दिर र धौलागिरी अस्पताललाई ह्वील चियर हस्तान्तरण गरेको छ । अस्पताल र मन्दिरसहित रोटरीले छ वटा ह्वील चियर वितरण गरेको हो ।
क्लबले धौलागिरि अस्पतालमा दुई, कालिका भगवती मन्दिरमा दुई, तमानखोला गाउँपालिकाका भिम प्रसाद छन्त्याल र बागलुङ नगरपालिका–१३ का डल्ले सार्कीलाई जनही एक÷एक रोटरी हस्तान्तरण गरेको अध्यक्ष नारायण पौडेलले बताए ।
अस्पतालमा आउने बिरामी, मन्दिरमा आउने हिंड्न नसक्ने भक्तजनलाई यात्रामा सहजता थप्न ह्वील चियर प्रदान गरेको रोटरी क्लव अफ बागलुङका अध्यक्ष पौडेलले बताए । रोटरीले सामाजिक क्षेत्रमा काम गर्दै आएको छ ।
कार्यक्रममा बोल्दै रोटरी क्लबका डिस्टिक चियर पर्सन रविन्द्र पियाँले रोटरीमा आबद्ध हुने व्यक्ति सामाजिक र उद्यमी बन्नुपर्नेमा जोडदिए । मन, बचन र कर्मले प्रतिबद्ध व्यक्तिमात्रै सामाजिक संस्थामा आबद्ध र क्रियाशिल हुने सक्ने उनको भनाई थियो ।
