पोखरा / कास्कीको प्रतिनिधिसभा निर्वाचन क्षेत्र नम्बर २ मा एमालेकी विद्या भट्टराई विजयी भएकी छन् ।
उनले १६ हजार ९ सय ९८ मत ल्याएकी छन् । उनकी निकटतम प्रतिद्वन्द्वी राष्ट्रिय स्वतन्त्र पार्टीका माधवप्रसाद कँडेलले १२ हजार ४ सय ९५ मत पाएका छन् ।
गठबन्धनबाट उम्मेदवार बनेका नेकपा एसका श्रीनाथ बरालले भने ९ हजार ६ सय ५९ मत पाएर तेस्रो स्थानमा खुम्चिए ।
भट्टराई तत्कालीन पर्यटनमन्त्री रवीन्द्र अधिकारीकी धर्मपत्नी हुन् । अधिकारीको निधनपछि २०७६ भएको प्रतिनिधिसभा सदस्यको उपनिर्वाचनमा उनी निर्वाचित भएकी थिइन् ।
२०४६ देखि विद्यार्थी राजनीति सुरु गरेकी उनी अनेरास्ववियु महिला विभाग प्रमुख भएकी थिइन् ।
अनेरास्ववियुको केन्द्रीय सचिव, पार्टीको काठमाडौं जिल्ला सदस्य, एमाले उपत्यका महिला कमिटी सचिवसमेत भइसकेकी छन् । राजनीतिमा आउनु अघि उनी प्राध्यापन पेसामा थिइन् ।
