पोखरा / नेकपा एमालेका उपाध्यक्ष एवं पूर्वगृहमन्त्री रामबहादुर थापा ‘बादल’का तत्कालीन सुरक्षा सल्लाहकार डा. इन्द्रजित राईलाई प्रहरीले पक्राउ गरेको छ। ललितपुरस्थित थेचुबाट उनलाई प्रहरीले मंगलबार बिहान पक्राउ गरिएको हो।
नेपालीलाई भुटानी शरणार्थी बनाएर अमेरिका पठाइदिने भन्दै करोडौं रुपैयाँ ठगी गर्ने मुख्य भूमिका राईको रहेको प्रहरीको आरोप छ। राईलाई ललितपुरको थेचुस्थित निवासबाट पक्राउ गरिएको उपत्यका अपराध अनुसन्धान कार्यालयले जनाएको छ । थापा गृहमन्त्री हुँदा राई उनका सुरक्षा सल्लाहकार थिए।
