पोखरा /पोखरा महानगरपालिका २२ शान्तिस्तुप्पा नजिक भएको बस दुर्घटनामा बसमा सवार ३५ जना यात्रु घाइते भएको अस्पतालले पुष्टि गरेको छ ।
आज दिउँसो सडकबाट करिब २० मिटर तल खसेको बसमा सवार ३५ जना यात्रु नै घाइते भएका थिए । उनीहरुको उद्धार गरी पोखरा स्वास्थ्य विज्ञान प्रतिष्ठानमा उपचारका लागि लगिएको थियो ।
अस्पतालले ३५ जनामध्ये ३ जनाको अवस्था गम्भिर रहेको एक विज्ञप्तिमार्फत जानकारी दिएको छ । प्रतिष्ठानका निर्देशक डा. भरतबहादुर खत्रीको हस्ताक्षर रहेको उक्त विज्ञप्तिमा २८ जना सामान्य घाइते रहेको बताइएको छ । ३५ मध्ये २३ महिला र १२ पुरुष यात्रु रहेका थिए । चालक तनहुँका रमेश विकलाई प्रहरीले नियन्त्रणमा लिएको छ ।
