पोखरा/ माओवादी केन्द्रको चुनाव चिन्हबाट प्रदेशसभा सांसद बनेका फणिन्द्र देवकोटाले फ्लोर क्रस गरेका छन । उनले आज मुख्यमन्त्री सुरेन्द्रराज पाण्डेले राखेको विश्वासको मतको प्रस्तावमा मत दिए । उनले आफु नेपाल समाजवादी पार्टीको सांसद भएकाले पार्टीको निर्णय अनुसार पाण्डेलाई विश्वासको मत दिएका हुन ।
एउटै निर्वाचन चिन्हबाट चुनाव जितेकाले उनलाई माओवादी पार्टीको ह्विप लाग्थ्यो । अव यो विषयले अदालत प्रवेश गर्ने निश्चित भएको छ । देवकोटाले विश्वासकाे मतकाे पक्षमा मत हाल्न गएपछि एमाले सांसदहरूले फ्लोर क्रस गर्नु संसदीय विकृति भएको भन्दै नाराबाजी गरेका थिए ।
