पोखरा/ पोखरा उद्योग वाणिज्य संघको महाधिवेशन भदौ २८ र २९ गते हुने भएको छ । मंगलबार बसेको कार्यसमितिको बैठकले महाधिवेशनको मिति तोकेको हो ।
महाधिवेशनले नयाँ नेतृत्व चयन गर्ने छ । अधिवेशनको मिति तय भएसँगै वर्तमान उपाध्यक्ष गोकर्ण कार्कीले अध्यक्ष पदमा उम्मेदवारी दिने बताएका छन् । आफू अध्यक्ष पदको स्वभाविक उम्मेदवार भएकाले चाँडै टिम घोषणासहित निर्वाचनमा सहभागी हुने बताएका छन् ।
