पोखरा, १७ फागुन – पोखराको लामाचौरमा गरिएको निःशुल्क स्तन तथा पाठेघरको मुख क्यान्सर परिक्षण कार्यक्रममा १२५ जना महिला लाभान्वित भएका छन् । पोखरा महानगर स्वास्थ्य महाशाखाले लामाचौर स्वास्थ्यचौकीमा शुक्रबार आयोजना गरेको महिलाको स्तन तथा पाठेघरको मुख क्यान्स परिक्षणमा उनीहरु लाभान्वित भएका हुन् ।निःशुल्क स्वास्थ्य परिक्षणसँग स्तन क्यान्सर र पाठेघरको मुख क्यान्सर परिक्षणसँगै सचेतना कार्यक्रमसमेत गरिएको महाशाखाले जनाएको छ ।स्वास्थ्य परिक्षण चलिरहँदा पोखरा महानगरपालिकाका प्रमुख तथा पोखरा महानगरपालिकाका स्वास्थ्य संरक्षक मानबहादुर जिसी, पोखरा महानगरपालिका वडा नम्बर १९ का वडाध्यक्ष शोभामोहन पौडेललगायतले अनुगमन गरेका थिए ।