बागलुङ, १७ भदौ– गाउँपालिकाको कार्यालयमा कार्यरत एक इञ्जिनियरमा कोरोना संक्रमण पुष्टि भएपछि एक साताका लागि सेवा बन्द गरेको काठेखोला गाउँपालिकाले थप चार दिनका लागि समय थप गरेको छ ।
कन्ट्या ट्रेसिङका क्रममा अर्का एक जना कर्मचारीमा कोरोना पुष्टि भएपछि गाउँपालिकाले प्रदान गर्ने अत्यावश्यक बाहेकका सेवा पूर्णरुपमा बन्द गर्ने गाउँपालिकाले बिज्ञप्ती मार्फत जानकारी गराएको छ । भदौ ११ गतेदेखि १७ गते राति सम्मका लागि बन्द भएका सेवा थप चार दिनका लागि सञ्चालनमा नआउने गाउँपालिका अध्यक्ष अमर थापाले बताए ।
गाउँपालिकाअन्तरगतका सबै बिषयगत कार्यालयहरु आगामि भदौ २१ गते रातीसम्मका लागि समय थपिएको हो । कोरोना संक्रमण पुष्टिभएका कर्मचारीको सम्पर्कमा रहेका कर्मचारी र सम्पर्कमा रहेका व्यक्तिहरुलाई जाँच गराउन गाउँपालिका अध्यक्षले बिज्ञप्ती मार्फत आग्रह गरेकाछन् ।
त्यस्तै गाउँपालिका कार्यालयको आसपासमा रहेका होटल तथा रेष्टुँरा र घरहरुलाई समेत पूर्णरुपमा बन्द गरेर सहयोग गर्न अध्यक्ष थापाले आग्रह गरेका छन् । कामको शिलिशिलामा काठमाण्डौ पुगेर फर्किएका इञ्जिनियरमा कोरोना पुष्टिभएपछि गरिएको टे«सिङका क्रममा कार्यपालिकाको कार्यालयमा कार्यरत अर्का एक कर्मचारीमा संक्रमण पुष्टि भएको थियो ।