बागलुङ, १८ असोज– रोजागरीको शिलशिलामा कतारमा रहेका बागलुङे युवाहरुको समुह ‘बागलुङ सेवा समाज कतार’ले जिल्लाको जैमिनी नगरपालिकाका पहिरो पीडितहरुका लागि नगद सहयोग गरेको छ ।
पीडितका लागि तत्कालका समस्यामा सहयोग गर्ने र पुनस्थापनाका लागि सहयोग पु¥याउने भन्दै पीडित दश परिवारका लागि नगद सहयोग गरेको हो । कतारमा रहेका युवाहरुले स्वस्फुर्त संकलन गरेको रकमबाट ५० हजार रुपैयाँ पीडितहरुका लागि उपलव्ध गराईएको समाजका सल्लाहकार सागर पौडेलले बताए ।
जैमिनी नगरपालिका टुनिबोटका ८ र बिनामारेका २ परिवारको लागि राहत रकम उपलव्ध गराईएको हो । समाजले जिल्लाका आर्थिक समस्यामा परेर उपचार गर्न नसकेका पीडितहरु, बाढी तथा पहिरोका कारण पीडित बनेकालगायतलाई सहयोग गर्दै आएको छ । संस्थामा आवद्ध सदस्यहरुबाट संकलित रकम र अन्य जिल्लाबाट समेत कतारमा रोजगारीमा रहेका युवाहरुले गरेको सहयोग रकमबाट उक्त राहत उपलव्ध गराईएको हो ।