पोखरा, १८ माघ – सुत्केरी ब्यथाले चापेकी म्याग्दीकी मिनु छन्त्यालको आईतवार हेलिकप्टरबाट उद्धार गरिएको छ । छन्त्याललाई धौलागिरी गाउँपालिका-४ नेरबाङबाट आईतवार विहान हेलिकप्टरबाट उद्धार गरी पोखरा ल्याइएको हो ।
गण्डकी प्रदेश सामाजिक विकास मन्त्रालयले उनलाई हेलिकप्टर मार्फत उद्धार गरी पश्चिमाञ्चल क्षेत्रिय अस्पताल पोखरामा लिएको सामाजिक विकास मन्त्री नरदेवी पुनका स्वकीय सचिव प्रकाश पौडेलले जानकारी दिए । अस्पतालमा आईपुगेपछि छन्त्यालले छोरी जन्माएकी छिन् । अहिले सुत्केरी र बच्चा दुवैको स्वास्थ्य अवस्था सामान्य छ ।
