बेनी, १६ फागुन– म्याग्दीका हेभी इक्युपमेन्ट अर्थात स्काभेटर चालक संगठित भएका छन्। आइतबार सदरमुकाम बेनीमा भएको भेलाबाट श्यामनन्द शर्माको अध्यक्षतामा ११ सदस्यीय म्याग्दी स्काभेटर अप्रेटर संघ गठन भएको छ । समितिको उपाध्यक्ष देबबहादुर खड्का, सचिव देबेन्द्र चोखाल, सह–सचिव राजकुमार बुढाथोकी, कोषाध्यक्ष विनोद चोखाललाई चयन गरिएको हो। त्यसैगरी समितिको सदस्यहरूमा बालकृष्ण खत्री, बुद्धि खत्री, रमेश चोखाल, सागर बानियाँ, सागर पटेल र अनुप पटेल रहनुभएको छ । म्याग्दीमा बिकाश निर्माणकार्यमा खटिइरहेका डोजर अपरेटर तथा सवारी चालकहरुले आफ्नो हक अधिकारको सुनिश्चितता संगै रोजगार दातासंग सुमधुर सम्बन्ध कायम राख्ने उदेश्यले संस्थाको स्थापना गरेको अध्यक्ष शर्माले बताए । ‘विकास निर्माणमा हाम्रो योगदानको पनि सम्मान हुने गरी काम गरिरहेका छौ,‘अब संगठित भएर थप काम गर्ने योजना छ’ अध्यक्ष शर्माले भने । हेवी इक्युप्मेन्ट अपरेटरको समस्या समाधान तथा आवश्यकतामा सहयोग गर्ने गरी सदस्यता वितरण सहित विभिन्न कार्यक्रम गरिने अध्यक्ष शर्माको भनाई छ ।
भेलामा सहभागीले पारिश्रमिक नदिए पछि अपरेटर आफ्नो पारिश्रमिक बारे बोलिदिन अपरेटर संबद्ध संस्थाको आवश्यकता रहेको भन्दै खुसी ब्यक्त गरेको सचिव देबेन्द्र चोखालले बताए । कन्ट्रकसन मालिक तथा ठेकेदार हरुले बिना लाइसेन्स काम गराउने गरेको अवस्थामा आफ्नो ज्यान र पेशाको सुरक्षाका लागि लाइन्सेन्स प्राप्त र पुराना स्काभेटर चालकले समेत अनुभव आदानप्रदान सहितका क्षमता विकासका कार्यक्रमहरु समेत सञ्चालन गरिने बताइएको थियो । म्याग्दीमा हालसम्म संस्थाको सम्पर्कमा ५० जना आइसकेका छन् ।