पोखरा, ३ साउन– लायन्स क्लब अफ लेखनाथ गार्डेन सिटीले शनिबार पोखरा महानगरपालिका ३२ मा रहेको राधाकृष्ण बृद्धाश्रममा फर्निचर सहयोग गरेको छ । क्लवको वार्षिक कार्यक्रमअन्तर्गत आश्रमका जेष्ठ नागरिकका लागि दुईथान टेबल र आठ वटा कुर्सी सहयोग गरेको क्लबका अध्यक्ष राजन कल्याण बड्गामीले जनाए ।
फर्निचर हस्तान्तर कार्यक्रममा बोल्दै, लायन्स क्लव अफ इन्टरनेशनल ३२५ वि १ अन्र्तगत लायन्स लिडरसिप एकेडेमीका प्रमुख सुचित्रा थापाले फर्निचर सहयोगले जेष्ठ नागरिकलाई सहज हुने बताइन् । फर्निचर हस्तान्तरणपछि क्लबले आश्रम परिसरमा लगाइएका विभिन्न जातका फलफूलका विरुवाहरुको गोडेमेल तथा वृक्षरोपणसमेत गरेको थियो ।
