पोखरा/ गुरुङ समुदायको पुरानो, अग्रणी सामाजिक संस्था तमु धिं नेपालले ३७ औं स्थापना दिवस मनाएको छ ।
विसं. २०४२ सालको जेठ ५ गते स्थापित तमु धिं नेपालले पोखरा ९ नयाँबजारस्थित तमु धिंमा शुभकामना आदानप्रदानसँगै तमु धिं नेपालको नवनिर्मित बैठककक्षको उद्घाटन गर्दै स्थापना दिवस मनाएको हो । प्रमुख अतिथि गण्डकी प्रदेश सभा सदस्य मीना गुरुङले बैठक कक्षको उद्घाटन गरिन् । तमु धिं नेपालका अध्यक्ष हुमबहादुर गुरुङको अध्यक्षतामा सो कार्यक्रम सम्पन्न भएको हो ।
