बागलुङ/ वैदेशिक रोजगारी ठगी कसुरमा सजाएँ सुनाईएका यहाँ एक पुरुषलाई प्रहरी दुई बर्ष पछि पक्राउ गरेको छ । बागलुङ नगरपालिका–१२ अमलाचौरका ४२ बर्षिय प्रकाश शर्मालाई जिल्ला प्रहरी कार्यालय बागलुङले नियन्त्रणमा लिएको हो । उनलाई वैदेशिक रोजगारी ठगि कसुरमा वैदेशिक रोजगार न्यायाधिकरण इजलाश काठमाण्डौले दुई बर्ष पहिले सजाएँ सुनाएको थियो ।
शर्मालाई एक वर्ष ५ महिना कैद र एक लाख ५० हजार जरिवाना फैसला सुनाइएको थियो । सोही दिनदेखि शर्मा फरार थिए । फरार प्रतिवादी घरमै लुकेर बसेको सूचनाको आधारमा जिल्ला प्रहरी कार्यालय बागलुङले बुधबार घरबाटै पक्राउ गरी जिल्ला अदालत बागलुङमा बुझाइएको जिल्ला प्रहरी कार्यालयका सुचना अधिकारी इन्द्र बहादुर रानाले जानकारी दिए ।
