बागलुङ/ मातृभुमी बहुउदेश्यीय सहकारी बागलुङले रामानुज आश्रम निरयघाटमा भाँडावर्तन तथा खाद्यान्न सहयोग गरेको छ । आफ्नो १५ औँ स्थापना दिवसको अवसरमा संस्थाले आश्रममा बसोबास गर्ने जेष्ठ नागरिकको सहजताका लागि भाँडावर्तन तथा खाद्यान्न सहयोग गरेको हो ।
कार्यक्रममा बोल्दै बागलुङ नगरपालिका वडा नम्बर १ का वडा अध्यक्ष जयबहादुर केसीले मातृभुमी सहकारी संस्थाले आश्रमलाई गरेको सहयोग महत्वपुर्ण रहेको बताए । अफ्ठेरोमा परेका संघसंस्था तथा आश्रम सञ्चालनका लागि आफ्नोतर्फ बाट पनि सक्दो सहयोग गर्ने केसीले प्रतिबद्धता जनाए ।
त्यस्तै, आश्रमकी संचालिका पुरुषोक्तम आमाले आश्रम संचालनका लागि मातृभुमी सहकारीले गरेको सहयोग महत्वपुर्ण रहेको भन्दै धन्यबाद व्यक्त गरिन् । मातृभुमी सहकारी संस्थाका अध्यक्ष गुणराज पौड्यालले सहकारीबाट आउने मुनाफाबाट आफुहरुले स्थापना दिवसका अवसरमा धार्मिक तथा अन्य कठिनाईमा परेका संघसंस्थाका लागि सक्दो सहयोग गर्दै आएको बताए ।
कार्यक्रम मातृभुमी सहकारी संस्थाका अध्यक्ष गुणराज पौड्यालको अध्यक्षता, शिक्षा उपसमिति संयोजक रामचन्द्र शर्माको स्वागत मन्तव्य र सविच राम प्रसाद शर्माको संचालनमा सम्पन्न भएको थियो । सहकारीमा हाल करिब ४ सय शेयर सदस्य र २ करोड ५० लाख शेयर पुंजी रहेको संस्थाका सचिव राम प्रसाद शर्माले जानकारी दिए ।
