बागलुङ / काठमाडौंबाट पोखराका लागि उडेको यति एयरलाइन्सको एटिआर ७२ नम्बरको विमान दुर्घटनाले धेरैको जीवन अस्ताएको छ । कतिपय यात्रुको घरमा आउने जानकारी नै थिएन भने कतिपयले साँचेका सपना छाडेर विदा भए ।
बागलुङ नगरपालिका-४ कुँडुलेका शालिकराम आचार्य पनि यसरी नै अस्ताए । उनी आफ्नी बुहारीलाई जापान पठाउन काठमाडौं गएका थिए ।
शनिबार बुहारीलाई जापान पठाएर घर फर्किन पोखराको टिकट लिएका आचार्य कहिल्यै घर नफर्किने गरी अस्ताएका छन् । ५३ वर्षीय आचार्यको विमान दुर्घटनामा मृत्यु भएपछि कुँडुले शोकमग्न भएको छ ।
