बागलुङ/ रेश नुन्थला माध्यमिक विद्यालय काठेखोला–७ बागलुङले बिबिध कार्यक्रमहरु गर्दै आफ्नो ६७ औं बार्षिकोत्सव मनाएको छ । विद्यालयले बार्षिकोत्सवको अबसरमा आन्तरीक प्रतियोगिताहरु आयोजना गरेको थियो ।
वार्षिकोत्सव मूल समारोहको उद्घाटन गर्दै काठेखोला गाँउपालिकाका अध्यक्ष राजु थापाले पालिकालाई एउटा उत्कृष्ट शिक्षाको हब बनाउन नुन्थला मा.विको महत्वपुर्ण भुमिका रहेको बताए । थापाले व्यवहारिक शिक्षाका लागि विद्यालयहरुले विशेष ध्यान दिनुपर्ने सुझाव दिँदै विद्यार्थीहरुलाई अतिरिक्त क्रियाकलाप सँगै सामाजिक शिक्षा र कार्यमा निरन्तर जोड दिन आग्रह गरे ।
कार्यक्रममा काठेखोला गाँउपालिका वडा नं. ७ का वडा अध्यक्ष प्रेम लामिछाने, विद्यालय व्यवस्थापन समितिका सल्लाहकार डिल बहादुर कार्की, चित्र बहादुर कार्की, मिन बहादुर थापा, काठेखोला गाँउपालिकाका श्रोत व्यक्ति रामानन्द कंडेल, विद्यार्थी प्रमिशा गौतम लगायतले बोलेका थिए ।
