बागलुङ/ ढोरपाटन दैनिक तथा ढोरपाटन न्युज डटकमका कार्यकारी सम्पादक रामकृष्ण बोहरा ‘कालिका पत्रकारिता सम्मान–२०७९’बाट सम्मानित भएका छन् । बागलुङ कालिका भगवती गुठी व्यवस्थापन समितिले हरेक बर्ष प्रदान गर्ने सम्मान यो बर्ष बोहरा र पत्रकार महासंघ बागलुङका सचिव बिजय रानालाई प्रदान गरिएको हो ।
समितिले आयोजना गरेको चैते दशैं मेलाको मुल समारोहमा बुधबार पत्रकारद्वयलाई सम्मान गरिएको थियो । गण्डकी प्रदेशका मुख्यमन्त्री खगराज अधिकारीले उनीहरुलाई नगद पाँच हजार रुपैयाँसहित दोसल्ला र सम्मान पत्र प्रदान गरेका थिए ।
बागलुङ कालिका, जिल्लाको चौतर्फी बिकास र प्रचार प्रसारमा महत्वपूर्ण योगदान पु¥याएको भन्दै उनीहरुलाई सम्मान गरिएको गुठीका अध्यक्ष कुमार खड्काले बताए । सम्मानले जिम्मेबारी थप भएको बोहरा बताउँछन् । बोहरा ढोरपाटन दैनिकमा स्थापनाकालदेखि कार्यरत छन् । प्रेस चौतारी नेपालका पूर्व केन्द्रिय सदस्य बोहराले समाज बिकासका बिबिध बिधामा कमल चलाउँदै आएका छन् ।
