बागलुङ /गण्डकी प्रदेश सांसद कृष्ण पाठकलाई गृह गाउँ अमलाचौरमा एक कार्यक्रमका बीच स्थानीयहरुले स्वागत तथा सम्मान गरेका छन् । बागलुङ नगरपालिका–१२ अमलाचौरमा जन्मेर नेकपा एमालेको राजनीतिसँगै गण्डकी प्रदेश सांसद हुनुभएको भन्दै स्थानीयहरुले बाँजा गाजा सहित सांसद पाठकलाई सम्मान गरेका हुन् ।
लामो समय देखि राजनीतिमा सक्रिय पाठक हालै नेकपा एमालेको गण्डकी प्रदेश सदस्य भएका थिए । अमलाचौरमा जन्मेर गण्डकी प्रदेश सांसद जस्तो गरिमामय पदमा पुगेको भन्दै स्थानीय समाजसेवी, बुद्धिजीवि, आमा समूह लगायतले पाठकलाई स्वागत तथा सम्मान गरेका थिए ।
स्थानीयहरुले सांसद पाठकलाई स्वागत तथा सम्मान पछि अमलाचौरको विकास र समृद्धिका लागि
काम गर्नका लागि सुझाव समेत दिएका थिए ।
उनिहरुले लामो समय राजनीतिमा सक्रिय भई प्रदेश सांसद बनेको भन्दै समग्र वलेबाको प्रतिष्ठा बढेको बताएका थिए ।
स्वागत तथा सम्मान कार्यक्रममा बोल्दै गण्डकी प्रदेश सांसद कृष्ण पाठकले स्थानीयहरुले गरेको सम्मानले पुन गाउँप्रतिको जिम्मेवारी थपेको बताए । उनले आफ्नो कार्यकालमा कुनै राजनीतिक दल विशेष नभई समग्र वलेवा र अमलाचौरको विकासका लागि काम गर्ने प्रतिबद्धता व्यक्त गरे ।
उनले वलेवा क्षेत्रमा संघ तथा प्रदेशबाट ठूला सडक तथा खानेपानीको काम भइरहेको जानकारी गराउदै जनताको सेवामा इमान्दार भएर काम गर्ने बताए ।
