पोखरा/२०७९ साल नेपालका लागि कालो दिन रह्यो । गण्डकी प्रदेशमा दुई जहाज दुर्घटनामा परे । माघ १ गते काठमाडौंबाट बिहान १० बजेर ३२ मिनेटमा उडेको ९ एन–एएनसी, एटिआर ७२५०० वायुयान अवतरण गर्ने क्रममा दुर्घटना हुँदा ७२ जना यात्रुले ज्यान गुमाएका थिए । जुन दुर्घटना नेपाली हवाइ इतिहासका आन्तरिक उडानतर्फकै भयानक र सबैभन्दा ठूलो दुर्घटना हो ।
विमानमा चालक दलका ४ जना, ३७ जना पुरुष, २५ जना महिला ३ बालबालिका, ३ शिशु, ५ जना भारतीय, ४ जना रसियन, २ जना कोरियन, एक जना अर्जेन्टिनी, एक जना आइरिसियन र एक जना फ्रान्सेली नागरिक रहेका थिए । विमान १० बजेर ५० मिनेट जादाँ सेती खोंचमा खसेको थियो ।
तारा एअर दुर्घटना २२ को मृत्यु
२०७९ जेठ १६ गते सोमबार विहान पोखराबाट जोमसोमका लागि उडेको तारा एअरको ९ एन–एईटी, डिएचसी–६ ट्विनअटर वायुयान दुर्घटना हुँदा चालक दलका ३ जनासहित १९ जना यात्रुको मृत्यु भयो । जहाजमा १३ नेपाली, चार भारतीय र २ जर्मनी सवार थिए ।
