पोखरा / गण्डकी प्रदेशका मुख्यमन्त्री सुरेन्द्रराज पाण्डेले विश्वासको मत वैशाख २१ गते लिने भएका छन् । मुख्यमन्त्री पाण्डेले वैशाख २१ गते दिउँसो २ बजे आफूले विश्वासको मत लिने बताए ।
आइतबार बसेको मन्त्रिपरिषद् बैठकले वैशाख २१ गते प्रदेशसभा अधिवेशन बोलाउन प्रदेश प्रमुख पृथ्वीमान गुरुङ समक्ष सिफारिस गरेको थियो । उक्त सिफारिस अनुसार प्रदेश प्रमुख गुरुङले २१ वैशाखको दिउँसो २ बजे प्रदेशसभाको अधिवेशन आह्वान गरेका छन् ।
