बागलुङ / बागलुङ समाज पोखराले जिल्लाको जैमिनी नगरपालिका-८ छिस्तीको पुरानो गाउँ स्वास्थ्य शिविर सञ्चालन गरेको छ । फेवा सिटी हस्पिटल प्रा.लि. पोखराको सहयोगमा बागलुङ समाज पोखराले उक्त स्वास्थ्य शिविर गरेको पूर्व अध्यक्ष कुलचन्द्र शर्माले वताए ।
फेवा सिटी हस्पिटलका चिकित्सक सहितको टोली गाउँमा पुगेर शनिवार शिविर सञ्चालन गरिएको हो । शिविरबाट पुरानो गाउँका करीव २५० जनाले सेवा लिएका छन् ।
स्थानीय सुर्योदय युवा कल्बले आयोजना गरेको मेलासंगै स्वास्थ शिविर सञ्चालन गरिएको हो । समाज सेवा र मानव सेवा नै सबैभन्दा ठुलो धर्म हो भन्ने भावनाका साथ शिविर सञ्चालन गरिएको पूर्व अध्यक्ष शर्माले वताए ।
