पोखरा / गण्डकी प्रदेश सभामा नेकपा एमालेको प्रमुख सचेतकमा बागलुङका समानुपातिक सांसद गोविन्दबहादुर नेपाली मनोनीत भएका छन् ।
संसदीय दलका नेता खगराज अधिकारीले नेपालीलाई आजै (जेठ २२ गते) बाट लागु हुनेगरी प्रमुख सचेतकमा मनोनित गरेका हुन् ।
आफु मुख्यमन्त्री हुँदा नवलपुरका रोशनबहादुर गाहा थापालाई प्रमुख सचेतकमा मनोनित गरेका थिए । उनी मन्त्री भएपछि प्रमुख सचेतकको पद खाली थियो ।
प्रदेशसभा सदस्य नेपाली गण्डकी प्रदेशका संस्थापक मुख्यमन्त्री पृथ्वीसुब्बा गुरुङका राजनीतिक सल्लाहकार थिए ।
दलका प्रमुख सचेतकलाई प्रदेश सभाले गाडी, इन्धन र आवासको सुविधा उपलब्ध गराउने ब्यवस्था छ ।
यसैगरी, नेता अधिकारीले एमाले सचेतकमा कास्कीका समानुपातिक सांसद देवका पाहारीलाई मनोनित गरेका छन् ।
