मकवानपुर / भारतीय तीर्थयात्री चढेको जिप दुर्घटना हुँदा १३ जना घाइते भएका छन् । भारतबाट नेपाल घुम्न आएका १३ तीर्थयात्री मकवानपुरमा दुर्घटनामा परेका हुन्।
इन्द्रसरोवर गाउँपालिका-५ मकैबारीस्थित कुलेखानी– मातातीर्थ काठमाडौं जाने भित्री सडकखण्डमा आज करिब बिहान ३.३० बजे दुर्घटना भएको हो ।
मधेस प्र.३-००१ ज ० २३८ नम्बरको सुमो जिप वीरगञ्जबाट काठमाडौंतर्फ जाँदै गरेको मकवानपुरका प्रहरी नायब परीक्षक लक्ष्मी भण्डारीले जानकारी दिए ।
गाडी सडकबाट अन्दाजी २० मिटर तल खोल्सामा खसेको र चालक बारा जिल्लाको कलैया नगरपालिका-२१ बस्ने वर्ष २५ को अनिलकुमार शाह प्रहरीको नियन्त्रणमा रहेको उनले जानकारी दिए ।
