पोखरा / रातीदेखी परेको अविरल वर्षाको कारण पहिरो जाँदा कास्कीमा दुुई जनाको बालबालिकाले ज्यान गुुमाएका छन् । कास्कीको छुट्टा छुट्टै स्थानमा पहिरोले घरमा क्षती पु¥याउँदा दुुइ जनाको मृत्यु भएको हो ।
राती २ बजेर १५ मिनेटको समयमा कास्कीको मादी गाउँपालिका ५ चितेपानी घुम्तीमा ब्लक र टिनले बनेको ३ कोठे घरकमो पछाडी पट्टिरहेको माटोको ढिस्को खस्दा १३ वर्षिय आयुस्मा रानाभाटको मृत्यु भएको हो ।
उनी आफ्नी हजुरआमा सँगै सुतेकी थिइन् । ७० वर्षिय हजुरआमा बन्जारी रानाभाटको भने सकुशल उद्धार गरिएको छ । घरमा राती २ जनामात्रै रहेको प्रहरीले जानकारी दिएको छ ।
यस्तै आज विहान अन्दाजि ३ बजेको समयमा पोखरा महानगरपालिका वडा नं.२७ आरूपाटामा पहिरोको कारण ३ वर्षिय अनमोल सुुनारको मृत्यु भएको जिल्ला प्रहरी कार्यालय कास्कीका प्रवक्ता वसन्त कुमार शर्माले जानकारी दिए ।
३१ वर्षिय हरी सुनारको ढुङ्गा माटोले बनेको २ कोठाको कच्ची घर अविरल बर्षाको कारणले हरी सुनारको श्रीमती २७ वर्षिय रितु सुनार घाईते भएकी छन् । उनलाई उपचारको लागि गण्डकी मेडिकल कलेज पठाइएको र अवस्था गम्भिर रहेको प्रहरीले बताएको छ ।
हरी सुनार र छोरी ९ वर्षिय अञ्जली सुनारको सकुसल उद्दार गरिएको हो । घर पूर्ण रूपमा क्षती भएको प्रहरीले बताएको छ । यस्तै पोखरा १४ चाउथेमा पृथ्वीराजमार्र्गको सडक भासिएको छ भने पोखराका विभिन्न ठाउँहरु डुुबानमा परेका छन् । पोखरा महानगरपालिका वडा नं. ७ गैरीखेत, वडा नं. ३३ बागमारा लगायतको केहि ठाउँ डुुबानमा परेको हो ।
