पोखरा/ पोखरा महानगरपालिका वडा नं. ९ न्यूरोडमा रहेको विन्दवासिनी वचत तथा ऋण सहकारी संस्थामा थिपनक्षेपकर्ताको बचत रकम फिर्ता नगरी सहकारीका रकम हिनामिना, अपचलन एवं ठगी गरेको आरोपमा थप एकजना पदाधिकारी पक्राउ परेका छन । पक्राउ पर्नेमा सहकारी संस्थाका पूर्व लेखा समिति सदस्य पोखरा–१४ औधोगिक क्षेत्र बस्ने ४० वर्षीय हरीप्रसाद अधिकारी रहेका छन ।
फरार सूचीमा रहेका उनलाई बुधवार कास्की प्रहरीबाट खटिएको टोलीले अधिकारीलाई पक्राउ गरी जिल्ला अदालतमा उपस्थित गराइएको कास्की प्रहरीका सूचना अधिकारी डिएसपी बसन्तकुमार शर्माले बताए । बिन्दवासिनी सहकारी ठगी मुद्दामा हालसम्म १७ जना पक्राउ परेका छन । मंगलबारमात्रै २ जना पक्राउ परेका थिए । अझै १४ जना फरार रहेकले खोजतलास भइरहेको उनले बताए ।
