पोखरा / प्रधानमन्त्री केपी शर्मा ओलीले आफूलाई बधाई तथा शुभकामना दिन चाहनेलाई डिजिटल माध्यमबाट शुभकामना दिन अनुरोध गरेका छन् । उनले बुधवार विहान सामाजिक सञ्जाल फेसबुकमा स्ट्याटस लेख्दै समयको बचतका लागि त्यसो गर्न अनुरोध गरेका हुन् ।
प्रधानमन्त्री ओलीले भेटमा बधाई तथा शुभकामना दिन चाहनेलाई खादा पनि प्रयोग नगर्न अनुरोध गरेका छन् । उनले आफ्ना शुभेच्छुकलाई सकेसम्म म्यासेञ्जरबाट सन्देश पठाउन अनुरोध गरेका छन् ।
‘विभिन्न माध्यमबाट शुभकामना र बधाईका सन्देश आइरहेका छन्, प्रत्यक्ष भेटेरभन्दा डिजिटल माध्यमबाट शुभकामना, बधाई दिँदा साथीहरूको समयको पनि बचत हुन्छ, शुभेच्छुक सबैलाई सकेसम्म म्यासेञ्जरबाट सन्देश पठाउन र भेटमा पनि खादामाला प्रयोग नगर्न अनुरोध गर्छु,’ प्रधानमन्त्री ओलीले फेसबुकमा लेखेका छन् । ओली असार ३० गते प्रधानमन्त्रीमा नियुक्त भएका थिए ।
