काठमाडौं / काठमाडौं महानगरपालिकाले नेकपा एमालेलाई एक लाख रुपैयाँ जरिवाना सहितको पत्र पठाएको छ । शुक्रवार दरवारमार्गमा एमालेले समपन्न गरेको जागरण सभामा फोहोरमैला गरी प्रदुषण भएको भन्दै एक लाख रुपैयाँ जरिवानाको पत्र पठाएको हो । पत्रमा भनिएको छ, ‘सडक तथा सडकपेटीमा जथाभावी फोहोरमैला गरी वातावरण प्रदुषण गरेकोले तपाईलाई फोहोरमैला व्यवस्थापन ऐन २०६८ र काठमाडौं महानगरपालिका आर्थिक ऐन २०८१ बमोजम रु. एक लाख जरिवाना गरिएको छ ।’
