पोखरा/ पोखरा–१६ दिपहाउजिङ नजिकै रहेको सेती नदीको ड्यामबाट खोंचमा खसेका २१ वर्षिय युवा संगम पौडेल मृत भेटिएका छन् । कैलालीको धनगढी घर भई हाल पश्चिममाञ्चल ईन्जिनियरिङ कलेज लामाचौरमा अध्ययनरत पौडेल बुधबार साँझ ७ बजेर २० मिनेट जाँदा सेतीको ड्यामबाट खसेका थिए ।
घटनाबारे थाहा पाउनसाथ सशस्त्र प्रहरी बल, कालीका गण कास्कीबाट उद्धार टोली खटिएको थियो । ४ जना गोताखोरसहित ९ जनाको विशेष विपद् व्यवस्थापन टोलीले उनको शव निकाली पोस्टमार्टमका लागि मनिपाल शिक्षण अस्पताल लगिएको कालीका गणका सूचना अधिकारी डीएसपी राजनलाल श्रेष्ठले बताए ।
