पोखरा/ गण्डकी प्रदेश सभामा एमाले सांसद भीमबहादुर कार्कीले प्रदेश सभा बैठकको प्रत्यक्ष प्रसारणका लागि राखिएका क्यामेराका लेन्स अगाडिको २ रोको बीच भागमा मात्र केन्द्रीत भएको बताएका छन् । आजको प्रदेश सभा बैठक सुरु हुनसाथ उनले छेउमा र पछाडि बस्ने सांसदतर्फ पनि क्यामेराका लेन्स सोझाइदिन भन्दै सभामुखको ध्यानाकर्षण गराए ।
‘जनताको मतले निर्वाचित भएर यस सार्वभौम संसदमा उपस्थित भएका छौ । प्रदेश भवनबाट प्रत्यक्ष प्रसारण भएको बैठकलाई हजारौ आँखा र लाखौ मनले नियालिरहेका छन्,’ उनले भने, ‘संसद भवनका क्यामेराहरु छेउमा र पछाडि बस्ने सांसदलाई देख्न सकिरहेका छैनन् । अगाडिका २ रोको बीच भागमा हाम्रा लेन्समात्र केन्द्रीत हुन्छन । मतदाताले संसद भवनमा सांसलाई खोजी गर्दा आफ्ना जनप्रतिनिधिलााई देख्न सक्ने अवस्था छैन ।’ संसदमा उपस्थित छौ भन्ने जानकारी मतदातामा पुराउन क्यामेराका लेन्सहरु कहिलेकाही छेउ र पछाडि पनि सोझाईदिने व्यवस्था मिलाई दिनुहुन भन्दै उनले ध्यानाकर्षण गराएका हुन् ।
सभाको अध्यक्षता गरिरहेकी उपसभामुख विनाकुमारी थापाले सांसद कार्कीको भनाईप्रति ध्यानाकर्षण भएको जनाएकी थिइन् ।
