पोखरा जिल्ला प्रशासन कार्यालय कास्कीले विहीबार साँझ ७ बजेदेखि शुक्रबार बिहान ५ बजेसम्मका लागि पोखरा महानगरपालिकाभरी लागु हुने गरी कर्फ्यु आदेश जारी गरेको छ । प्रमुख जिल्ला अधिकारी रुद्रादेवी शर्माले कर्फ्यु आदेश जारी गर्दै शुक्रबार विहान ५ देखि १० बजेसम्म अत्यावस्यक कामका लागि आवतजावत गर्न सकिने जनाएकी हुन् ।
कास्की जिल्लामा हाल देखिएको घटनाक्रमबाट हुनसक्ने बिरोध प्रदर्शन, तोडफोड, हुलदंगाका कारण शान्ति सुव्यवस्थालाई मध्यनजर गर्दै विहीबारको जिल्ला सुरक्षा समितिको निर्णयसमेतको आधारमा प्रशासनले कर्फ्यु आदेश जारी गरेको हो ।कर्फ्युको समयमा आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न पाइने छैन । एम्बुलेन्स, शवबाहन, दमकल, स्वास्थ्यकर्मी र सुरक्षाकर्मीका सवारी साधन भने संचालन हुनसक्ने आदेशमा छ ।
