फाइल तस्विर
पोखरा/ जेन जी आन्दोलनका क्रममा जिल्ला प्रशासन कार्यालय कास्कीमा आगजनी र तोडफोड भएपछि बन्द राष्ट्रिय परिचय पत्र विवरण दर्ताको काम बुधवारदेखि सूचारु भएको छ ।
कम्प्युटर, प्रिन्टर, क्यामेरासहित विद्युतीय उपकरणको व्यवस्था भएसंगै विवरण दर्ता सुरु गरिएको प्रशासनले जनाएको छ । सहायक प्रमुख जिल्ला अधिकारी शिव लम्सालका अनुसार कास्की जिल्लाभित्र स्थायी ठेगाना भएका सेवाग्राहीको मात्र विवरण दर्ता सुरू गरिएको हो ।
यो संगै कार्यालयबाट प्रवाह हुने सबै सेवा सञ्चालनमा आएको उनले बताए । पहिल्यै विवरण दर्ता भएर प्रिन्ट भएका कार्ड बुझ्न आउन पछि सूचित गरिने प्रशासनको सूचनामा उल्लेख छ । आन्दोलनपछि इलाका प्रशासन कार्यालय लेखनाथबाट विवरण दर्ताको काम हुँदै आएको थियो ।
