पोखरा २० मंसीर – १३ औँ दक्षिण एशियाली खेलकुद प्रतियोगिता (साग) महिला फुटबल खेल्न आएकी श्रीलंकाको खेलाडीलाई डेंगु लागेको छ । साग महिला फुटबलको पोखरा आएको महिला खेलाडी गायत्री नानायाला काराको रगतमा डेगुं पोजेटिभ देखिएको हो । १९ वर्षिय गायत्रीलाई उपचारको लागि मणिपाल शिक्षण अस्पताल लगिएको पोखरा रंगशाला मेडिकल सेन्टरका डाक्टर दिपेश शर्माले जानकारी दिए । गायत्रीलाई मंसीर १६ गते सोमवार डेगुं देखिएको शर्माले बताए । “पहिले पिसाबमा इन्फेक्सन देखिएकाले औषधी सेवन गरेको थियो, रगतमा पोजेटिभ देखिएपछि मणिपाल पठाएका हौँ” डा. शर्माले भने ।