पोखरा, २४ चैत – जिल्ला प्रशासन कार्यालयले आफूखुसी राहत संकलन र बितरणमा रोक लगाएको छ । राहत बितरणको लागि स्थानीय तहको सिफारिस र जिल्ला प्रशासन कार्यालयको स्वीकृति अनिवार्य बनाए पनि केही व्यक्ति तथा संस्थाहरुले नगद, जिन्सी लगायतका सामान संकलन र बितरण गर्न खोजेको जनाउँदै यो निर्णय गरिएको जिल्ला प्रशासन कार्यालय कास्कीका प्रमुख जिल्ला अधिकारी ज्ञानप्रसाद ढकालले जनाएका छन् । प्रशासनको आदेश विपरित काम गरेमा कानूनी कारबाही गरिने पनि कास्की प्रशासनबाट जारी सूचनामा जनाइएको छ ।