बागलुङ, १८ असार– बागलुङ नगरपालिका वडा नम्बर ११ रायडाँडाको पानीकटेरीमा घर भई रोजगारीको शिलशिलामा कोरियामा रहेका मेघराज गौतम (सुशान्त)ले धौलागिरि अस्पताल बागलुङलाई स्वास्थ्य सामग्री सहयोग गरेका छन् । अस्पतालमा उपचाररत कोरना संक्रमितहरुको स्वास्थ्यप्रति संबेदनशिल हुँदै गौतमले १० हजार रुपैयाँ बराबरको स्यानिटाइजर र केएम–९५ मास्कलगायतका स्वास्थ्य सामग्री अस्पतातलाई सहयोग गरेका हुन् । गौतमले उपलब्ध गराएको स्वास्थ्य सामग्री बिहिबार कानुन व्यवसायी तथा मानवअधिकारकर्मी राम शर्माले अस्पताल विकास समितिका अध्यक्ष केवि राना मगरलाई हस्तान्तरण गरेका छन् ।
