बागलुङ, २२ भदौ– भदौ १७ गते बुधबार रातीको बाढीपहिरोले बागलुङको ढोरपाटन नगरपालिका–९ बोबाङमा मृत्यु भएका १६ मध्ये थप एक जनाकोसनाखत भएको छ । पछिल्लो पटक शवको सनाखत हुनेमा ढोरपाटन नगरपालिका–९ २२ वर्षिय नारायण बिक रहेका छन् ।
उनका बुबा तुलबहादुर बिकले आईतवार राती शवको शनाखत गरेपछि पोष्टमार्टम गरी शव परिवारको जिम्मा लगाईएको छ । यसअघि उक्त बाढीपहिरोमा परी मृत्युभएका १४ जनाको शनाखत भैसकेको छ । एक जनाको शवको अझै शनाखत हुन नसकेको प्रहरी नायव उपरीक्षक राजेन्द्र रेग्मीले बताए । पहिरोमा परी २२ जना अझै बेपत्ता छन् । उनीहरुको खोजी भैरहेको रेग्मीले बताए ।
