बागलुङ, २२ भदौ – बाढीपहिरोले भत्काएको सडक निर्माणको क्रममा पहिरो खस्दा एस्काभेटर पुरिएको छ । ढोरपाटन नगरपालिका वडा नं. ९ को पहिरोले बगाएको सडक निर्माणका क्रममा वडा नं. ६ को दोगाडीमा पहिरोले एस्काभेटर पुरेको हो । गत बुधवारको बाढीपहिरोले सडक बगाएपछि आवतजावत रोकिएको थियो । रोकिएको यातायात संचालनका लागि एस्काभेटर लगाएर सडक बनाउने काम भैरहेको थियो । ध १ क ७४ नम्बरको उक्त एस्काभेटर पुरिएपनि मानवीय क्षती भने भएको छैन । चालक सकुशल बाहिर निस्केपछि थपिएको पहिरोले एस्काभेटर पुरेको बताइएको छ । प्रहरी हवल्दार जिवलाल तिवारीको कमाण्डमा गएको टोली सहित बुर्तिवाङबाट जेसिबी पठाइएको प्रहरीले बताएको छ ।
