फाईल तस्विर
बागलुङ, २६ भदौ– बागलुङको वडिगाड गाउँपालिका–१० दर्लिङमा पहिरोमा परी एक युवा वेपत्ता भएका छन् । शुक्रबार बिहान अविरल बर्षासँगै आएको पहिरोमा परी दर्लिङको निगलपानीका ३५ बर्षिय दानबहादुर घर्ती मगर बेपत्ता भएका हुन् । उनलाई बारीमा काम गरीरहेको अवस्थामा पहिरोले पुरेको गाउँपालिका अध्यक्ष मेहरसिंह पाईजाले बताए । अहिले बेपत्ता युवकको स्थानीयको सक्रियतामा खोजी कार्य जारी छ । घटनास्थलतर्फ गाउँपालिका अध्यक्षसहित बुर्तिबाङ इलाका प्रहरी कार्यालयको टोलि जाँदैछ । घटनाको बिस्तृत बिबरण आउन बाँकी रहेको इलाका प्रहरी कार्यालय बुर्तिबाङका प्रमुख प्रकाशसिंह भण्डारीले बताए ।
