पोखरा, २३ वैशाख – गण्डकी प्रदेशमा थप ४ जना कोरोना संक्रमितको मृत्यु भएको छ । प्रदेश स्वास्थ्य निर्देशनालयका अनुसार कास्कीका ३ र म्याग्दीका १ संक्रमितको उपचारको क्रममा मृत्यु भएको हो । निर्देशनालका अनुसार कोरोनाबाट मृत्यु हुनेमा पोखरा-३ का ८७ वर्षीय पुरुष, पोखरा-२९ का ४१ वर्षीय पुरुष र पोखरा-१८ का ७३ वर्षीय पुरुष छन् ।
त्यस्तै, म्याग्दी धौलागिरि गाउँपालिका-२ की ७२ वर्षीय संक्रमित महिलाको पनि मृत्यु भएको निर्देशनालयले जनाएको छ । तीन जनाकै उपचारका क्रममा पोखरामा मृत्यु भएको हो । बिहीबार पनि गण्डकीका २ जना संक्रमितको मृत्यु भएको थियो । योसँगै गण्डकी प्रदेशभर कोरोनाबाट मृत्यु हुनेको संख्या २४१ पुगेको छ ।