पोखरा, ८ असोज –घरेलु टोली सविन मेमोरियलले झरना स्पोट्र्स क्लब माथि सहज जित निकालेको छ ।
शुक्रवार पोखरा रंगशाला स्थित बहुउदेश्यी कभर्डहलमा भएको दोस्रो खेलमा सविन मेमोरियलले झरना स्पोट्र्स क्लबलाई ७–१ को फराकिलो गोल अन्तरले पाखा लगायो । सविनको जितमा अभिनाष तामाङले ह्याट्रिक गरे ।
यस्तै मनिष सेडिले २ तथा मनोज गुरुङले १ गोल गरे । झरनाका लागि जितेश गुरुङले एक गोल गरे । खेलको म्यान अफ दि म्याच सविनका अभिनाष तामाङ घोषित भए ।
